السلام عليكم ورحمة الله وبركاته
أسعد الله أوقاتكم بكل خير
مدري ليه لازم من هالمقدمة بس إني أحب أبدأ فيها ❤
المهم بعد تدوينة توزيعات العيد وإعجابكم فيها
حبيت أكملها بأفكار لتغليف الهدايا
خصوصا وإن موسم المناسبات غير متوقف
وهو أساسا ممكن تأخذون الفكرة من الاثنين
لكن قلت استعرض لكم بعض الأفكار الخاصة بالتغليف
وبعض النصايح
نبدأ بالنصايح أول❤
١- كل ماكنت الهدية أبسط كل ما كانت أحلى
وبنفس الوقت ما تكون ثقيلة على صاحبها
"وجهه نظري"
٢- برضو البساطة مهمة جدا بالتغليف
٣- ابعدوا عن التغليف اللي يجي لونه على معدن
ومبين إنه رخيص فيه أشياء رخيصة بس راقية
٤- لما تغلفون يكون تركيزكم على الشريط
أو على ورق التغليف يعني لا يصير زحمة وكلهم اوڤر :p
٥-كل ما كان من شغلكم كل ما كان أقرب من القلب ❤
٦- وأخيرا غلفوا هداياكم بحب وبرضا تام لأن اللي من القلب يدخل القلب على طول
نبدأ بالصور
ونلاحظ التغليف أغلبه معتمد على الورق البني
وركزت ببحثي عليه لأنه متوفر وسعره زهيد جدا وأفكاره أكثر
"مثل الكيس البني بتدوينة توزيعات العيد"
يا جماله وروقانه
أنيق جدا وألوانه رهيبة
"اذا لقيت طريقة الفيونكة بحطها بتويتر"
قطعة كروشيه ممكن نستبدلها بهالقطعة
وخيط خيش وتغليف ولا أبسط منه
أفكار أفكار أفكار !
ورق مقوى أو أي نوع ورق نقصقصه بالشكل اللي نبيه
ريشة + خيط + تغليف بني
معطيها طابع الهنود الحمر تذكرتهم من الريشة
عن نفسي حبيته
شرايط لاصقة وتغليف بني ! أبسط منها مافيه ابدا ❤
ورق من كتاب ولفتت على شكل فستان
الطريقه هذي من فن الاروقامي إن شاء الله بتكلم عنه بعدين
رجعنا لورق السفره الابيض ههههههه
هالحركة سويتها من قبل لهديه لخالتي طلعت مره فخمة
شوفوا التغليف اللي ورا بعد مره يجنن
الكرات الصغيرة الصوفية مثبته على العلبه بعد التغليف
هنا أفكار بالكرات الصوفية
أو بكرات البوب بوب اللي باللون الأبيض يمين
أو بالجوخ عملت مثلثات وكانها زينة حفلة
هنا أكثر فخامة وشغل متعوب عليه
تغليف بني ووردات من قماش او شرايط
وبرضو هنا ممكن نزينها بخيش + ورد صناعي
حبببببببيتها وحبيت بساطتها وجمالها
ورق بني وننقط عليه ممكن بآداة التنقيط
او بالكوريكتر حق المدرسة أو برأس قلم مع لون أبيض
بعدين نلفها ونزينها بوردة صناعية أو طبيعية صغيرة
الخرايط! ممكن تكون تغليفه جدا رايقة
احس تنفع للي جاي من السفر وجايب غنايمه معه :P
ورد ومافيه أزين من الورد يحلي الاشياء غصصب
وردات صغيرات وخيط خيشي وعلبة هادية
ورق المجلات أو الجرايد
طايخين بهالحركة حتى مع تغليف الورد!
حلوه وراييقة ومختلفة
نلاحظ الفكرة بالقماش
لافينها كأنها بقشة
:D
ورق بني مع مطاط ملون
فكرة مجنونة ورهيببة
لو مالقينا المطاط الملون ممكن نخلي التغليف أبيض
والمطاط يكون البني العادي بتطلع حلوة بعد
هنا برضو بقايا الكنزة الصوفية
مرة كأنها بقشة ومرة بتززين رايق مع كرة البوب بوب
الابيض يأسر القلب :(
مافيه أجمل منه كمساحة تعطي راحة أكثر بالشغل
وتعامل أسهل مع الألوان بس عاد مو تحطون كل الألوان
حلاته يصير رايق مثل هالألوان
أو بتصميم خفيف
شوفوا الفن :(
ورق سفره ابيض لونت اطرافه بالازرق والسماوي
وغلفوا فيه الهديه
هاللونين يقتلوني أحبهم وأحب الابيض
عشان كذا ثيم مدونتي ألوان محايدة هههههههه
إذا كانت هداياكم كثيرة وتبون ثيمهم واحد
أحلى شي تتغلف بتغليف سادة
وممكن تضيفون عبارة او وردة صغيرة تجمل أكثر
والبساطة البساطة ياعيني عالبساطة
ا
ونجي للروقان
لو نلاحظ التغليف والشريطة قوويين ومزخرفين
بس بنفس الوقت درجات ألوانهم متقاربة مافيه تناقض
وهذا المهم تنسيق الألوان يكون متناسب مع بعضه
ورق بني وخيوط صوف
وتشك تشكتشك < صوت التغليف ههههه
ازرار وخيط عادي
بس طالعة جميلة
فيونكة + مشبك صغيرة + كارد التهنئة
حركة بسيطة وجميلة
ورق بني + الصوف هالحركة اسميها دندوشه! هههههههه
مدري وشو تسمونها فيه ناس يسمونها هدب
بس هي نفسها الموجودة بنهايك المسباح عرفتوها :P
رهيبة ورايقة وجديدة برضو
ورق ابيض هالمرة وقصاصات ورق على شكل ودر
ممكن تكون قصاصات ورود من المجلات
بتطلع حركة رهيبة وجديدة
بستعرض معكم صور بدون تعليق
لعرض الأفكار قد تكون مكرره فوق ومشروحة لكن بتصميم آخر
أو فكرتها واضحة ما تحتاج شرح
إلى هنا وصلت لآخر الصور
أتمنى الصور والأفكار اعجبتكم لو بالشيء القليل
اللي استفاد او اعجبه البوست يشاركه مع اصدقائه بتويتر
بالنسبة للأدوات:
الورق البني موجود بأغلب المكتبات
لو ماتعرفونه أسألوا عن ورق التفصيل البني للباترون ويعطيكم اياه
باقي الأدوات ان شاء الله انها متوفرة ومعروفة
لو فيه شيء ماتعرفونه أسألوني عنه بتويتر أو بالتعليقات تحت
أشوفكم بتدوينة ثانية
سلام ❤❤
شكراا كنت ابحث عن افكار تغليف و بالذات بالورق البني شكرراا كثيرررر
ردحذف