السلام عليكم بنات
اول شي مبروك لكل المامات الجدد
وربي يتمم عليكم وتبلغون باطفالكم وانتوا بصحة وعافية
موضوع الرضاعه موضوع طووويل مره
بس بحاول اختصره لكم حسب ماقدر واعطيكم الزبدة وخلاصه قراءة الشهور الماضية
من التجهيزات المساعدة للرضاعة الطبيعية وتجربتي بالرضاعة الطبيعية
بالبداية التجهيزات بقسمها معكم قسمين:
* تجهيزات معنوية
* تجهيزات مادية
وبتكلم عن كل قسم لحال
التجهيزات المعنوية:
من بداية حملك وثباته لازم تهيئين نفسك وتقتنعين بموضوع الرضاعة
وتتغذين صح لصحة جنينك وحملك وحتى حليبك فيما بعد
وتكونين تعودتي على نظام اكل صحي قليل من الجنك فود
انصدمت صراحة لما عرفت ان فيه بنات تمتنع عن رضاعة طفلها
هو اكيد من حقها اولا واخيرا والاسلام ما اجبرها على هالشيء
بس طالما انه مذكور بالقرآن فمعناها هو شيء عظيم وله حكمة،
وله فوايد صحية ونفسية سواء لك او لطفلك وغير العلاقة الحنونة
بينك وبين طفلك واللي تجي من بعد الرضاعة الطبيعية وبتحسين فيه من اول يوم!
فالخطوة الاولى اللي لازم تصير انك تقتنعين وتكونين جااازمة ميه بالمية
على انك ان شاء الله ترضعين ولدك طبيعي الا اذا صارت ظروف اخرى
تمنع او تقلل من الرضاعة الطبيعية..
ولازم تحطين ببالك ان فيه ناس حولك بتحبطك وبتسمعين تعليقات
تخليك تحلفين ماترضعين مره ثانية مثل، ولدك ضعيف،
حليبك مايكفي..... الخ
بس اذا كنتي مؤمنة بأهمية الشيء اللي قاعدة تسوينه
فانصحك تسدين اذونك عن الناس وكلامهم حتى لو كانوا من المقربين!.
وانا معك واقولك ابذلي بالاسباب وشوفي النتايج باذن الله🌟
فوائد الرضاعة الطبيعية:
" نقلتها من المثقفة بالرضاعة الطبيعية بالمستشفى"
- تساعد الام على التحسن السريع بعد الولادة ورجوع الرحم لوضعة الطبيعي.
- تحمي الطفل من امراض الدم والحساسية وتقوي المناعة .
- تحسن بناء الاسنان والفك وعملية مضغ الطعام للطفل.
- الحليب غني بالمواد الغذائية والفيتامينات والدهون المهمة للطفل.
- تحمي الطفل من السمنة وامراض السكر على مدى ٤٠سنة القادمة
" في حال تمت رضاعة الطفل سنتين رضاعة طبيعية كاملة"
- الرضاعة الطبيعية تقلل من الاصابة بمرض سرطان الثدي "لاسمح الله".
- الرضاعة الطبيعية تحرق السعرات الحرارية الزائدة "هذا اهم شي بالموضوع 😅"
بعد كل هالفوائد وما خفي اعظم تتوقعون باقي للبنات الممتنعة عذر؟؟
برضو من الاشياء المحفزة للرضاعة هو متابعة حسابات السوشل ميديا
مشجعة على الرضاعة وتعرض لك حلول ومشاكل الرضاعة في حال واجهتيها
" بعرضها لكم لاحقا في موضوع تجربتي مع الرضاعة"
التجهيزات المادية:
واقصد فيها الاشياء اللي تشترينها وتساعدك على تسهيل الرضاعة
وزيادة انتاج الحليب ...
١- مخدة الرضاعة:
من اهم الاشياء المريحة سواء بالرضاعة الطبيعية او الصناعي
اخذت هذا الشكل من سنتر بوينت ب١٦٢ ريال وبالخصم تصير اقل
لك حرية الاختيار بالنسبة للشكل والانسب ماديا
مرررريحة جدا جدا ماينحني ظهرك وانتي ترضعين وتكونين بوضعية ممتازة
تحمي ظهر البيبي بعد بحيث يكون مستلقي براحة.
٢- مرهم معالج لتشققات الحلمة وصيت عليه من امريكا
واتوقع موجود بايهرب " خصم ايهرب: "
فااادني كثييير كثير وعالج لي المنطقة بشكل سريع
خصوصا انه آمن على الطفل وقت الرضاعة
يعني مايحتاج غسيل او مسح مايضرك ولا يضره
وله بديل بالصيدليات من شركة بالمرز بس ماجربته
٣- فوط القطن الدوائر للصدر اللي تمنع تسرب الحليب
واتوقع انه شيء اساسي سواء رضعتي او لا
عشان مظهر ملابسك مايكون غلط😅
فيه منها اللي تنغسل وفيه الاستعمال الواحد..
انا شريت الاثنين قلت للبيت الاستعمال الواحد
وخليت اللي تنغسل للطلعات الخارجية.
٤- مدرات الحليب وانا من هالناحية ماحبيت اخربط واطلب ادوية
بس اخذت لي شاي الاعشاب من ايهرب .. وتقدرون تسوون زي مكوناته بالبيت
وبالاضافه الى اني شريت اعشاب من العطار زي الحلبة لفترة النفاس
ومو ناوية استمر عليها بعد النفاس لانها تنفخ الجسم بشكل فضيع ...
من الاعشاب المدرة " الشمر، اليانسون"
٥- شفاط الحليب .. وهذا مو شيء رئيسي مره بس بشرح لكم
هو حسب وضعك المهني والاجتماعي... اذا موظفة راح تحتاجينة مية بالمية
وحتى لو مو موظفه الشفاط يزيد من ادرار الحليب ...
عن نفسي اشتريت نوع متوسط الجودة من مذركير لان الانواع الزينة غالية
وما كنت اعرف مدى احتياجي له واذا صدق بقدر ارضع طبيعي او لا
بس بالعكس من تجربتي استفدت مننننه كثيرررر بحيث اشفط واخزن
لو بطلع مكان يصير فيه حليب وما احتاج للصناعي...
ويفيد حالات اللي حليبهم قليل مثل ما قلت يزيد الادرار..
٦- حمالات الصدر الخاصة بالرضاعة
موجوده باغلب المحلات مثل اويشو، رد تاغ
ماكس سبنسر، سيتي ماكس، دبنهامز،لافي ان روز،
اختاري النوع اللي يناسبك مظهرا وماديا.
٧- قارورة ماء مقاس لتر أو أكثر وسناكات سريعة
يفضل يكونون قريب منك وقت الرضاعة
لانك بتجوعين كثيير وعشان ماتنسين تشربين ماي..
هذا كل شي حاولت اتذكره وصورته
واللي ماصورته جبت لكم صوره من النت
اذا تذكرت اشياء ثانية باذن الله برجع احدث الموضوع
وببدأ ادون تدوينات تجهيزات الحمل والبيبي وتوابعه
بالنسبة لتجربتي الشخصية مع الرضاعة
ما كنت اتوقع انها بهالصعوبة كنت احسبه شي سهل
خصوصا اول اسبوع...
كان تعب نفسي وجسمي وارهاق فضيع
بس بمجرد ما تعرفين لطفلك وتفهمينه
وتعرفين ترضعينه عدل مدددل
بيخف عليك الضغط ويصير الموضوع سسسسسهل جدا
المهم انكم ماتصتعبون الموضوع وتتركونه
بالعكس خل يكون عندكم امل ودافع قوي
وان صحه طفلك بالمقدمه بالنسبة لك
اقتراح: اتقرح يكون فيه مسلسل مفضل او كتاب قريب منك
وقت الرضاعة لانه وقت طويل ووممكن يكون ممل للبعض
فالافضل تشغلين نفسك وقت الرضاعة عشان يطير الوقت وماتحسين
وبنفس الوقت تكونين منتبهه لطفلك وهو يرضع بحيث ما يغص لا سمح الله
عانيت بالبداية مع موضوع التششققات بس مع المرهم اللي فوق
التحسن سريع وممتاز .. برضو كان ولدي مايرضع كويس واحسبه يرضع
وهو مسكين مايجيه حليب فلما عرفت طريقة الالتقام الصحيحة
صار يشرب احسن الحمدلله
واحلى شعور بالدنيا لما تحضنين طفلك ويرضع
ومع الوقت بتحسين بطفلك اكثر وتشوفين نظراته
يهون عليك التعب كله والمملل لأجل عيونه :)
هذا كل شي عندي اليوم
ان شاء الله تكونون استفدتوا
لو خاطركم بموضوع معين علموني بالكومنت تحت
فتكو بعافية 3>
واللي ماصورته جبت لكم صوره من النت
اذا تذكرت اشياء ثانية باذن الله برجع احدث الموضوع
وببدأ ادون تدوينات تجهيزات الحمل والبيبي وتوابعه
بالنسبة لتجربتي الشخصية مع الرضاعة
ما كنت اتوقع انها بهالصعوبة كنت احسبه شي سهل
خصوصا اول اسبوع...
كان تعب نفسي وجسمي وارهاق فضيع
بس بمجرد ما تعرفين لطفلك وتفهمينه
وتعرفين ترضعينه عدل مدددل
بيخف عليك الضغط ويصير الموضوع سسسسسهل جدا
المهم انكم ماتصتعبون الموضوع وتتركونه
بالعكس خل يكون عندكم امل ودافع قوي
وان صحه طفلك بالمقدمه بالنسبة لك
اقتراح: اتقرح يكون فيه مسلسل مفضل او كتاب قريب منك
وقت الرضاعة لانه وقت طويل ووممكن يكون ممل للبعض
فالافضل تشغلين نفسك وقت الرضاعة عشان يطير الوقت وماتحسين
وبنفس الوقت تكونين منتبهه لطفلك وهو يرضع بحيث ما يغص لا سمح الله
عانيت بالبداية مع موضوع التششققات بس مع المرهم اللي فوق
التحسن سريع وممتاز .. برضو كان ولدي مايرضع كويس واحسبه يرضع
وهو مسكين مايجيه حليب فلما عرفت طريقة الالتقام الصحيحة
صار يشرب احسن الحمدلله
واحلى شعور بالدنيا لما تحضنين طفلك ويرضع
ومع الوقت بتحسين بطفلك اكثر وتشوفين نظراته
يهون عليك التعب كله والمملل لأجل عيونه :)
هذا كل شي عندي اليوم
ان شاء الله تكونون استفدتوا
لو خاطركم بموضوع معين علموني بالكومنت تحت
فتكو بعافية 3>
ليست هناك تعليقات:
إرسال تعليق