السلام عليكم ورحمة الله وبركاته
شلونكم شخباركم؟
والله يا طلع غبار يوم فتحت البلوق هههههه
اشتقت للتدوين وللسوالف هنا، ان شاء الله تدوينات جديده بالطريق
وترا تفرحني التعليقات الفجائية اللي أشوفها بالمدونة
بشكل ماتتخيلون تخلوني اواصل اكتب وما اوقف ابدا
ما علينا نشوف وش عندنا اليوم
تدوينة اليوم ديكوباج المعدن
هووووبا نشوف الدرس
الادوات
علبه معدن
مادة الجيسو او لون اكريلك ابيض
لون اكريلك الاساسي
غراء الخشب او الديكوباج
مقص
منديل او قصاصات
بخاخ ورنيش"ماصورته"
فرشاه
الخطوات
سهله جدا
واللي قرأت التدوينات السابقة بتشوف انها نفس الخطوات
اول شي بنغطي العمل كله بالتأسيس وهي مادة الجيسو
او لون ابيض اكريلك لو ما كان عندك وننتظره ينشف
* تحديث: لو كنتي بتستخدمين العمل كثير الافضل
صنفرته بشكل بسيط بالصنفره عشان الصبغة تمسك بالمعدن
انا ما احتجت لانه مجرد ديكور مو اكثر ..
نكمل ..
بعض الاسطح ماتكفيها طبقه وحده
مثل العلبه حقتي اضطريت الونها مره ثانيه بالاكريلك
نختار لون اكريلك ونلون العمل باللي يناسبنا
نقطت عليها بفرشه تنقيط بلون بيج وردي
في الوقت اللي ينشف فيه اللون نقص القصاصات
اخترت ورداتي الصغيرات من مناديل ايكيا
ثبتتها باصبعي
احط باصبعي غراء ثم احطه على الوردة بالمكان المناسب على العمل
بكذا نكون خلصنا
نرش بخاخ الورنيش عشان نثبت العمل
واذا فيه اضافات للعمل نسويها
اخترت قطعه دانتيل كتغيير
وهذا الشكل النهائي
اتمنى انها عجبتكم
وانتظروني بتدوينات بطابع مختلف مثل ما اقترحنا بالتصويت السابق:$
فتكو بعافية❤❤
ليست هناك تعليقات:
إرسال تعليق