أسعد الله مساكم بكل خير
اليوووم درسنا بسيط جددا جدا جدا
ونتيجته ولا أروع وتستحق التجربة
عشان كذا انتظر تطبيقاتكم :D
راح نعمل ديكوباج على شمعة
الأدوات اللي نحتاجها:
١- شمعة سادة
٢- صمغ الديكوباج
٣- قصاصة منديل أفضلها لأنها تكون أخف على الشمعة وأسهل بالتعامل من الورق
٤- مقص
٥- فرشة صغيرة أو اصبعك :D
جهزتوا أدواتكم؟
يلا أجل نبدأ
الخطوة الأولى:
نقص قصاصة المنديل على الرسمة المطلوبة
ثم نفصل الطبقات عن الطبقة الملونة اللي محتاجينها
مثل ما تعلمنا بالدروس اللي قبل
الخطوة الثانية:
نمسح طبقة خفيفة من الغراء على المكان اللي بنثبت فيه القصاصة
انا استخدمت اصبعي بهالعمل أتقن وأريح
الخطوة الثالثة:
نثبت القصاصة على الغراء
ثم نبدأ بمسح غراء الديكوباج أعلى الرسمة
من منطقة الوسط إلى الأطراف
برضو مثل ماتعلمنا :D
نغطي الرسمة بالغراء كامل
ولا تخافون راح ينشف الغراء ماراح يبين معكم أثر
بعد ما جف الصمغ
وقت الاستمتاع بالعمل :D
بعد ما جف الصمغ
وقت الاستمتاع بالعمل :D
الأفكار كثيرة على الشمع
إضافات كثيرة مثل الدانتيل أو الكرستال
وتقدرون تكتفون بالزينة بدون ما تشغلونها
بالنسبة للمنديل إذا بيحترق أو لا؟
جربت أشغل الشمعة فترة طويلة
بس إلى الآن ما لامست المنديل صارت مثل الفجوة بالوسط
ممكن يختلف من نوع شمعة لشمعة ثانية
الأدوات:
الشمعة والمنديل من ايكيا
المقص والفرش والغراء من مكتبة جرير
أشوفكم بتدوينة جديدة
سلام ❤
ليست هناك تعليقات:
إرسال تعليق