السلام عليكم ورحمة الله وبركاته
هلا والله فيكم وحشتني المدونة :(
ووحشتوني بتفاعلكم الجميل
اليوم عودة قوية نوعا ما :D
بدرس جامد شوي
راح نكمل سلسلة الديكوباج الممتع
واللي بيصير أحلى لو اشوف لكم تطبيق بنبسط فيه كثير
المهم ندخل بالدرس على طول
الأدوات:
قطعة خشبية
مادة الجيسو
غراء ديكوباج أو أي غراء أبيض
لون اكريلك
قصاصات منديل أو ورق
فرش
ورنيش
قطعة صنفرة "القطعة السوادء ورا"
نجي للخطوات وهي نفس طريقة الديكوباج على أي سطح
لكن
بالبدايه بشرح نقطة مهمة وهي اللي تفرق الخشب عن غيره
اللي هي عملية الصنفرة للخشب
طيب ايش هي الصنفرة؟
مثل ما نسوي صنفرة لوجهنا عشان تروح الشوائب مثلها مثل الخشب
هي قطعة خشنة لونها اسود "موجودة بالصورة"
متى نستخدمها؟
فيه عدة حالات:
الحالة الأولى:
إذا كانت القطعة الخشبية خام ناعمة ما فيها خشونه ما نحتاج للصنفرة
تقدرون تستخدمونها على طول وتلونونها ثم تشتغلون عليها
أقصد بخام يعني غير مصبوغة
الحالة الثانية:
لو كانت القطعة الخشبية مصبوغة ونبي نجددها ونصبغها من جديد قطعة الصنفرة ممكن تفيد
وهو اننا نقشر الصبغة القديمة ونرجع نستخدمها ونصبغها
"حقيقة ما جربت هالطريقة لكنها اقتراح بس اجربها بكتب لكم "
باختصاااار
لو كان الخشب فيه شوائب نستخدم الصنفرة قبل الصبغ أو بعد الصبغ بشرط تكون خام
ولو كانت مصبوغه نصنفرها أولا ثم نستخدمها
طريقة الصنفرة:
نجيب قطعه صغيرة منها ونبدأ نحك الخشب فيها
رايح جاي مو مشكلة واذا متخوفين منها جربو على مساحة صغيرة
او قطعه ما تبونها
فهمنا القصة؟ يلا نبدأ بشغلنا :D:D:D
أول شي صبغتها بمادة الأساس وهي مادة الجيسو
تحسفت ما سويت لها صنفره قبل الصبغ :D
سويت الصنفره بعد ما نشف الصبغ ثم رجعت حطيت طبقة جديدة
لأن مع الصنفرة تطير الشوائب والصبغ
بعد ما ينشف الأساس ممكن نكرره أكثر من مره حتى يظهر لونه
أو ممكن نكتفي بطبقة وحدة
"بالصورة اكتفيت بطبقة وحدة من الجيسو"
بعد كذا نحتاج نعطي القطعه اللون المطلوب
وهنا صبغتها بلون بيج
بوقت انتظاري حتى اللون ينشف
جلست اقصقص قصاصات المنديل اللي ابي اثبتها
اخترت تكون وردة كبيره على السطح
ووردات صغيرات على الجوانب
حطيت الوردة وعليها الغراء ومديته باصبعي
والاهم من هذا انكم ماتحطون طبقة كثيفه من الغراء مسحه بسيطه راح يبين معكم
كملت على باقي الصندوق بالوردات الصغيرات
وصار هذا الشكل
نلاحظ ان الغراء ينشف بسرعه
لما نشف الغراء تماما من كل الجهات رشيت عليه ورنيش
والحمد لله طلعت بهالنتيجة
بالنسبة للأدوات:
العلبة الخشبية: من جرير موجودة بتدوينة مشتريات جرير
المنديل: ايكيا
باقي الأدوات: من جرير وموضحه بقسم دليل التسوق
وتدوينه مقدمه الديكوباج
ان شاء الله التدوينة عجبتكم
لو طبقتوها اعطوني منشن على تويتر
اشوفكم بتدوينات ثانية
سلام 3>
ليست هناك تعليقات:
إرسال تعليق