لسلام عليكم ورحمة الله وبركاته
أسعد الله ايامكم بكل خير
ان شاء الله انكم متابعين معي الدروس السابقه
المهم
اليوم درسنا عن طريقة الديكوباج على الزجاج
تابعوا معي :)
الأدوات:
- صحن زجاجي أو أي آنيه زجاجية
- خل أبيض
- غراء ديكوباج
- مناديل مزخرفة
- بخاخ ورنيش
- ألوان أكريلك
- فرش
جهزتوا الادوات؟
مستعدين للانطلاقة والخطوات السهله تعطينا نتيجه أجمل *قلوب*
الخطوات:
١- غسل الصحن وتجفيفه نمسحه بخل أبيض أو بالكحول وهذا مهم بالشغل
عشان يكون الزجاج نقي وخالي تماما من الشوائب.
٢- نجهز الرسمة اللي نبغاها ملاحظين هنا اخترت طريقه النتف للرسمه
بحيث اني نتفتها وما استخدمت المقص تصير اطرافها مشتته مو مستقيمه
واكيد لا ننسى نفصل طبقات المنديل ونحتفظ بالطبقة الملونة
٣- نشتغل على السطح الخلفي من قطعة الزجاج
والرسمة بالمقلوب عشان تكون ظاهره بالسطح الأمامي
نبدأ نمد الغراء عليها مثل ماتعودنا يكون من الوسط للاطراف
٤- بعد ما يجف الغراء ونلاحظ صار شفاف
نبدأ نلون الرسمة بنفس ألوانها عشان نعزز الألوان ولا تصير الرسمة باهتة
مثل ما انتوا شايفين لونت الورده بنفس اللون عطاها شكل مره جميل
نشوف شكلها بعد التلوين؟
ونلاحظ أطراف الرسمة الغراء صار شفاف وراح نغطيه
بلون وماراح يوضح منه شيء ابد يلا نشوف الصوره
نكمل؟
يلا
٥- هالخطوه ترجع لألوان الرسمة ولذوقك
غطيت الصحن كامل مع الوردة بس الصوره مابعد تنشف فما امداني اصور الصحن كامل
المهم اخترت اللون البيج المايل على وردي * موجود شكله بصورة الأدوات*
ولونت الصحن بضربات الفرشة نضرب بالفرشة كاننها نلطخها
مو نلونها تلوين عادي
٦- نجي هنا للمسة القبل أخيرة اننا نصبغ بلون النهاية اخترت اللون يكون ذهبي عطاه شكل جميل
اللون الذهبي *الموجود بالصوره اللي قبل*
٧- آخر آخر شي نرشها بورنيش عشان يثبت لنا الشغل طبعا بعد ما يجف اللون
ونرشها بأكثر من طبقة بين كل طبقه ننتظره ينشف
جربت اغسله بالصابون والكلوركس عشان اتأكد من ثباته والحمد لله ماراح اللون
بس انا فضلت استخدمه ديكور على التسريحه
للاكسسوارات والأشياء اللي يوميا استخدمها *قلوب*
* ملاحظة: ممكن تكون الوان الاكرليلك عده طبقات لو كنا بنتسخدمه
للأكل يعني مثلا لون بيج ثم بعد ما ينشف طبقة لون بيج ثانية ثم لون على اختيارك ثم لون النهاية بالاضافة الى طبقات الورنيش عشان مايخرب الرسمة او يأثر على اللون.
هذا الشكل النهائي :)
أماكن الشراء:
الصحن الزجاجي: دايسو أو ايكيا
الأدوات: مكتبة جرير
أتمنى شرحي وافي
وطريقه العرض سهله
والدرس سهل
وأتمنى أتمنى اشوف تطبيق
وان ما حصل يكفي افدتكم ان شاء الله
استفساراتكم وتعليقكم بالكومنت تحت
نشوفكم مره ثانية
سلام <3
ليست هناك تعليقات:
إرسال تعليق