السلام عليكم ورحمة الله وبركاته
نرجع معكم بتدوينة جديدة
مين اللي ما قرأت الدرس الأول؟
مين اللي بننقصها درجات :p
امزح امزح :D
اليوم ان شاء الله راح اشرح طريقه الديكوباج على الكرتون
بشكل مفصل وتحت تحصلون التلخيص بآخر التدوينة
بسم الله
بداية نحضر الأدوات اللي تكلمنا عليها بالدرس الأول
*قطعة كرتونية - مناديل مزخرفة - مادة الجيسو - لون اكريلك -
غراء ديكوباج - مقص - فرش اسنفجية
ملاحظة 1 : ممكن نستبدل نوعية الغراء هذ بأي نوع من الموجود بالمكتبات لكن راح نحتاج
اضافة الى الغراء هذا بخاخ ورنيش للمسة الأخيرة أو نكتفي بهالغراء راح يؤدي العملين.
ملاحظة 2 : ممكن نستبدل مادة الجيسو بلون أكريلك أبيض مثل ماذكرت بالدرس الأول.
الخطوة الأولى:
نصبغ الكرتون طبقة الأساس بمادة الجيسو
اذا كان الكرتون فيه رسومات والوان مختلفة نصبغه مره ثانية بعد ماتجف الطبقة الأولى
الخطوة الثانية:
نقص اطراف الرسمه اللي بنستخدمها
ونفصل طبقات المنديل عن بعض ونستخدم الطبقة الأولى الملونة
الخطوة الثالثة:
أول شيء نصبغ الكرتون باللون اللي نبغاه
ثم نتظره ينشف
هنا انتباااااه وتركييييززز شوي
لما ينشف اللون نحط نقطه من الغراء بعدين نثبت قطعه المنديل
نبلل الفرشه بالغراء من جديد ونبدأ نثبت المنديل من فوق بشويش وبدقة وحذر شديد
نثبتها بالسحب بالفرشه من الوسط للطرف
نحاول اننا نوصل لكل اجزاء المنديل ونغطيه بالغراء
* للاسف ما صورت هالخطوه بوضوح اذا حابين اسويها لكم فيديو *
- اذا مو مفهومه عطوني خبر بتعليقكم تحت -
الخطوة الرابعة:
بعد التثبيت نوصل للمرحلة الاخيرة
في حال استخدمتوا غراء عادي لازم ترشونه بطبقة ورنيش
وهذا الشكل النهائي
الى هنا انتهى درسنا
اتمنى اني وفقت بالشرح وكان وافي
أي سؤال أرحب فيه بالتعليقات
نشوفكم بدروس جايه
الى اللقاء
جميل شكراٍ
ردحذف