السلام عليكم
كثير منكم يعرف إن رمضان أهم شيء فيه شرب السوائل
وتندرج تحتها الشوربات والعصيرات الطازجة
واللي بطبيعة الحال ينصح عدم الإكثار من العصيرات
بحكم إحتواءها على نسبة سكر عالية والتركيز أكثر
على الماء والشوربات والسلطات اللي تعطي شعور الشبع
وتمدنا بأغلب الفيتامينات المهمة والعناصر الرئيسية
بستعرض معاكم طرق خمس أنواع شوربة
سبق وشاركت بعضها في حساب الخاص بالوصفات
على الإنستقرام @nrorahdiet تقدرون تشوفون وصفات أكثر هناك
يلا عالشوربات
| شوربة الشوفان |
المقادير:
- ربع صدر دجاج مقطع قطع صغيرة
- نصف طماطة مبشورة بدون القشر
- ملعقة كبيرة بهارات مشكلة
- ملعقة كبيرة ملح و ملعقة صغيرة فلفل أسود
- لتر ماء مغلي
- خمس ملاعق كبيرة شوفان مجروش
- عصير نصف ليمونة
الطريقة:
١- ببخاخ الزيت نحمر الدجاج
ثم نضيف عليه البهارات المذكورة
٢- نضيف الطماطم ونخليه يتسبك معاه
٣- نضيف الماء المغلي
٤- نضيف كمية الشوفان بالتدريج عشان ماتتكتل
٥- نخليه يطبخ على نار هادية ونتتبه لاتفور
احب اخلي الشوفان مره ناعم يعني اخليه يطبخ كثير
واضيف ماء ومنكهات حسب الحاجة والقوام
بالأخير نضيف الليمون قبل خمس دقايق من الاستواء
وبالعافية 3>
| شوربة العدس |
المقادير:
- ثلث كوب عدس برتقالي
- حبه بطاطس متوسطة
- حبتين جزر متوسطة
- نصف حبة بصل
- ربع حبة طماطم
- ملعقة صغيرة معجون طماطم
- ملعقة وسط بهارات مشكلة
المنكهات ملعقة صغيرة كل من
" ملح ، فلفل أسود، كركم، كمون"
الطريقة:
١- نحمس البصل ببخاخ الزيت مع البهارات
٢- نضيف معجون الطماطم ونحمس ثم الطماطم
٣- نضيف العدس والخضار ونحمسهم مع الكشنة
٤- نضيف الماء الفاتر ونخليه الى ان يغلي
٥- نخليهم يطبخون على نار متوسة لمدة ثلث ساعه أو أقل
٦- نرفعه من عالنار ونخلطهم بخلاط الشوربة
* ممكن نقدمه مع مكعبات توست محمص
وبالعافية 3>
| شوربة القرع |
المقادير:
- ربع حبة قرع برتقالي
- نصف بصل متوسطة
-نصف حبة طماطم صغيرة
- لتر ماء
المنكهات:" ملعقة صغيرة ملح وفلفل وكركم
وبهارات مشكلة"
الطريقة:
أسهل من هالشوربة مافيه
نحمس الخضار مع بعض والبهارات
نخليهم يغلون مع بعض الى الاستواء
ثم نخلطهم بخلاط الشوربة بعدها نقدمها
اضافة: ممكن نضيف كريمه قليلة الدسم بس ما افضلها ابدا
لان قوام القرع كريمي ومايحتاج
ممكن نضيف معاها قطع توست محمص
وبالعافية 3>
| شوربة الفطر |
المقادير:
- نصف بصل أبيض
- كوب فطر طازج
- ملعقة طحين اسمر
-نصف كوب مرق خضار
المنكهات: " ملعقة صغيرة ملح وفلفل أسود"
الطريقة:
- نحمس البصل ببخاخ الزيت الى ان يذبل
- نضيف الفطر ونحمسه مع البصل
- نضيف المنكهات
- نذوب الطحين بمرق الخضار ونضيفه للشوربة
- في حال احتجنا ماء زيادة نزيد
-نخليه يغلي بعدين نخلطه بخلاط الشوربة
- نطبخها شوي بعدين نقدمها
وبالعافية 3>
| شوربة البروكلي |
المقادير:
- نصف بصل ابيض
- كوب بروكلي طازج او مثلج
- لتر ماء
- رشة جبن بارميزان
- ربع كوب حليب جوز الهند
المنكهات: " ملح وفلفل اسود ورسه بهارات مشكله"
الطريقة:
- نحمس البصل ببخاخ الزيت الى ان يشقر
- نضيف البروكلي ونحمسه شوي
- نضيف البهارات مع الماء
- نخليه يغلي ٥-١٠ دقايق
- نرفع جزء من حبات البروكلي عشان نضيفها كقطع
بعد خلط الشوربة
- نخلط الشوربة ونضيف عليها الحليب مع الجبن
- نضيف حبات البروكلي
- نخليه تطبخ شوي ونقدمها
وبالعافية 3>
استعرضت معاكم اطباق شوربة عالسريع
سهله وصحية وسريعة ولذيذة
باذن الله ربي يقدرني واصورلكم المرات الجاية وارفع الصور
او الفديو
فتكو بعافية 3>
ليست هناك تعليقات:
إرسال تعليق