السلام عليكم بنات
رجعت لكم بموضوع او طبخة صحية سريعة
اللي هو الطماطم المجففة
كثير تستخدم مع الباستا والسلطات
والساندويشات وتعتبر اختيار صحي لذيذ
يضيف على وجبتك طعم مميز ونااااطع D:
الطريقة سهلة ويمكن الاغلب يعرفها بس قلت اسوي لها بوست
ماراح اطول عليكم
الطريقة كتابيا
الطماطم المجففة
نحتاج لـ: ٣ كيلو طماطم
زيت زيتون
ملح بحري
اعشاب ايطالية
ثوم بودرة
روز ماري طازج او مجفف
الخطوات:
١- نقطع الطماطم جوانح
ثم نحطها بمصفاة عشان الماي ينزل منها
" تحتاج وقت تقريبا ساعة او اكثر لين تتصفى من الماء الزايد"
٢- نجهز صينية الفرن بورق الزبدة
٣- نصفف الطماطم بالصينية بس مايكون فوق بعض
٤- نرش البهارات والزيت زيتون على الطماطم
ونخلطهم مع بعض ثم نرجع نصففهم
٥- ندخلهم الفرن على أقل درجة حرارة بالفرن
حسب فرنك لمدة تتراوح بين ٣ - ٥ ساعات
انا فرني كهربائي احتجت ٢٢٠ مع انها مو اقل شي
بس هو نوعا ما بارد شوي ومافيه مروحة
٦- بعد ما تتجفف نطلعها ونخليها تبرد
٧- نعبيها ببرطمانات ونغطيها بزيت الزيتون
وبالعافية :)
تشجيعكم لي دافع للمزيد والافضل
فتكو بعافية 3>
ليست هناك تعليقات:
إرسال تعليق