اليوم بتكلم لكم عن تحربتي لاسواره جوبون اب ٢٤
طبعا بعد حيره بين اكثر من شركة وقع عليها الاختيار
صار لي استخدمها اكثر من شهرين ومرتاحة مره معها
ايش تسوي هالساعه!؟
تحسب لك معدل نومك
تحسب لك عدد خطواتك باليوم
وبرضو تحسب لك معدل نشاطك
تقريبا كل الساعات تسوي هالشيء لكن في اختلاف بسيط بينها
اما بالسعر او الشكل او الدقة في حساب الحركة
ليش اخترت جوبون؟
تصميمها مناسب لأي مكان وزمان
يعني كنت البسها بكل وقت وانا طالعه وانا معزومه عادي جدا
ومريحة بمعصم اليد ابدا ما ضايقتني اثناء النوم
توفر لي الاشياء اللي ابغاها من حساب معدل الحركة والخطوات والنوم
فيها ميزه انها تحدث لك بدون انترنت بس بالبلوتوث وهذا الفرق عن الاصدار القديم من نفس الساعة
فيها منبهات اقدر اضبطها على موعد التمرين وموعد عشان تصحيني من النوم
برضو فيها منبه لو جلست عدد معين من الدقايق ماتحركت تعطيني هزه كذا تعلمني اني ماتحركت فاقوم اتحرك
اذا جيتوا تشترونها خذوا المقاس اللي يناسب يدكم فيه برا الكرتون زي المقياس تدخلين يدك وتقيسين
بعض اللي يبيعون مايفهمونك ولايعلمونك انها تجي مقاسات حبيت انبهكم عشان تجي مضبوطه
برضو تجي الوان بالموقع فيه الوان تججننن بس اخترت الاسود عشان مايكون شاذ عن أي لبس
وبالمحل اللي شريته منهم مالقيت الا اسود وهذا اللي كنت ابيه
هذي اهم الاشياء نجي لكيف استخدمها؟
طبعا اول ماتشترونها تلبسونها وتحملون تطبيق الساعه على اجهزتكم
تربطون الساعه هو بيسوي لها بحث بالبلوتوث وتسجلون باسمكم
تقدرون تضيفون اصدقاء وتشجعون بعض من خلال اليوميات
بنفس التطبيق تقدرين تدخلين كمية اكلك وش اكلتي ويحسب لك كم سعره استهلكتي
كيف نتعامل مع الاسواره هل كل مره لازم ادخل التطبيق واسوي؟
لا طبعا على كرتون الاسواره وداخل التطبيق موضح فيها طريقة الزر تبع الاسوارة
وكيف تستخدمينه
والتطبيق ماتحتاجين له الا بالتحديث عشان يزامن لك الاسواره ويسجله
هنا عاد اخلي لكم مجال تكتشفونها مثلي بس حبيت
اسوي لها ريفيو سريع وبسيط للناس اللي تبحث عن اسواره
خصوصا الريفويهات بالعربي قليل جدا لها
تقيميمي لها : ٥/٥ حبيتها كثير وانصحكم فيها
تنبيه: اذا كنتوا تبحثون عن ساعة تحسب لكم اللي حرقتوه بشكل دقيق
الاسواره هذي ماتنفع لكم فيه غيرها يحسب بشكل أدق
معلومات الشراء: اخذتها ب ٧٠٠ ريال من محل اي زون بالظهران مول
موجود المحل بالخبر والدمام
وموجوده بفيرجن
وتقدرون تشترونها من اون لاين من موقع الشركة تطلعكم ارخص من هنا
هذا اسم الساعة تقدرون تبحثون باليوتيوب عنها اكثر
jawbone up24
تحديث: الساعة عاشت معاي لمده اقل سنة بعدها صارت فيها مشكلة
بالبطارية ماتشحن واذا شحنت تجلس شوي وتطفي
راسلت الشركة وما استفدت بشيء للاسف وماكان عندي فرصه
اني ارجع للظهران عشان ارجع للمحل ...
اتوقع برجع اشتري ساعة من شركة ثانيه هالمرة :)
اي سؤال عن الساعة انا بالخدمه
اذا اعجبتكم التدوينه شاركوها مع اصدقائكم
سلام 3>
ليست هناك تعليقات:
إرسال تعليق